Ventariello

Aggarbato, frisco e ffino d' 'a matina 'o ventariello fa, ogni ghiuorno, 'e stu ciardino tutte 'e ffronne suspirà. Chiacchiarea, quase annascosta mmiez' a ll' ombra, na funtana, ca, sapenno 'a storia nosta, 'a vo' a ll' arbere cuntà. "Bene mio! - diceno 'e ffronne - Nientemeno accussì è nfama?" E cu ll' acqua, ca risponne, fanno nzieme uno ciu ciù... Tanto ch' io, ca guardo attuorno e passeo mmiez' a sti ffrasche, mme murtifico p' 'o scuorno, e mme mbroglio a cammenà... Salvatore Di Giacomo

Pagina Precedente

Pagina Principale